Karera Crossword Puzzle
Mga dartero pagkakataon nang magwagi ng Robson Dartboard - sumali
sa Tumbok Karera Crossword Puzzle. Ang mechanics ng promo ay nasa
karera section ng Tumbok. Sundin lamang ng maayos ang mga patakaran
ng promo at malamang papalarin kayo.
MCDO Dart League
Ang Marikina City Dart Organization (MCDO) 3rd Conference Dart
League ay nakatakdang umpisahan sa ika -10 ng Nobyembre sa BITES
Bar and Grill sa Gil Fernando Ave., Marikina City. Ang liga ay
sponsored ni Congressman Del De Guzman ng 2nd District ng Marikina
City. Ito ay bukas sa lahat ng dartero at walang bayad ang pag-rehistro
upang makapaglaro.
Ang format ng laro ay katulad noong nakaraang 2nd Conference
kung saan may siyam na laro kada gabi at lalabanan ang bawat koponan
ng kanya-kanyang dibisyon. Lunes ang nakalaang araw para sa Dibisyon
A and B at Miyerkules ang para sa Dibisyon C. Ika-8 ng gabi mag-uumpisa
ang liga.
Inaasahang hihigit pa sa 29 na koponan ng 2nd conference ang
maglalaro kaya magparehistro na bago sumapit ang deadline sa ika-3
ng Nobyembre. Ipagalam kay Marvin Orlina – 0920-223-2357
kung kayo ay sasali o kaya isumite ang inyong koponan sa BITES
Bar and Grill.
Tournament Results
Tatlong araw na dart tournaments ang idinaos noong nakaraang linggo.
Inumpisahan sa Nom-e Sports Bar sa Pasig ang P17,000 Dobol Doubles
noong Biyernes, ika-24 ng Oktubre, kung saan lumahok ang isang
daan at apat (104) na manlalaro. Si Robert Reyes ng Antipolo at
Louie Soriano ng Tondo ang nagkampeon at sina Boy Gionzon ng Navatos
at Gerry Salenga ng Makati ang pumangalawa.
Pagdating ng Sabado, ang P12,000 Twin Cup ay inisponsoran nina
Laguna Provincial Administrator Dennis Lazaro at ng Municipal
Government ng Nagcarlan, Laguna. Ang nangasiwa ng torneo ay ang
Darters of Nagcarlan (DON) at ang Integrated Darters of Laguna
(IDOL). Ang isang daan at dalawang put-walong (128) manlalaro
ay nagmula sa Lucena, Quezon, Batangas, Cavite at Laguna at mga
kasapi ng Southern Luzon Dart Federation ng NDFP. Si Reino Irlanda,
ang pangulo ng DON at si Marvin del Rosario ng San Pablo City
ay ng kampeon at ang pumangalawa ay sina Rommel Natividad ng Carmona
at Mario Consijero ng Nagcarlan.
Kinabukasan ika-26 ng Oktubre, inilunsad sa Batangas City ang
P20,000 October Dart Fest ng Batangas Unified Darters (BUD) sa
pamumuno nila Christian Clemeno, Randy Macaraig at Cezar Clarin.
May siyam na pung (90) dartero ang naglaro na sinuportahan ng
manlalaro mula Maynila. Sina Ricky Mijares ng Robson at Tony Ramos
ng BUD ang nagkampeon at sina Bonnie Evangelista ng Makati at
Rommick Maranan ng BUD ang pumangalawa.
Matagumpay ang mga palaro ng katatatag na Southern Luzon Dart
Federation at inaasahang lalo pang lalakas ang pagbubuklod ng
dartero sa Southern Luzon.