INIIMBITAHAN namin ang mga dartero sa palaro ng Darters of Cabiao
- P30,000 Cabiao Mayor’s Cup sa ika-8 ng Marso, sa Cabiao
National High School Gymnasium, Nueva Ecija.
Maguumpisa ng alas dos ng hapon ang P12,000 Open Singles at susunod
ang P18,000 Classified Draw Doubles. Para sa karagdagang impormasyon
at vicinity map bisitahin ang www.ndfpdarts.com. Ito ay isang “NDFP
sanctioned tournament”.
Ano ba ibig sabihin at kahalagahan ng “NDFP
sanctioned tournament”?
Ang mga dart tournaments na sanctioned ng NDFP
ay magkakaroon ng NDFP National Ranking Points sa Open Singles and
Ladies’ events. Ang ranking points ay ang batayan kung sino
ang mga top dart players ng bansa.
Ang matatamong National Ranking Points ay ayon
sa laki ng kabuuang cash prize at dami ng manlalaro sa singles events.
Meron nang umiiral na talaan hingil sa mga puntos na ipapaubaya
sa mga dartero.
Kaya sa P30,000 NDFP sanctioned tournament mababa
ang puntos at para sa top 4 players lang, kumpara sa darating na
NDFP sanctioned P75,000 Magayon Festival Bicol Dart Challenge II
ng Bicol Dart Federation sa Legaspi City sa Abril 18-19, 2008, na
mas mataas ang puntos at ipagkakaloob sa top 16 players ng Open
Singles.
Kapag NDFP sanctioned, gumagalaw at nakikibahagi ang national support
network ng NDFP affiliated dart organizations, mas malawak ang suporta
at mas marami ang lumalahok na dartero.
Ang paglalahad ng NDFP sanctioned tournaments ay pambansa ang abot
sa pamamagitan ng ndfpdarts.com website.
Kapag NDFP sanctioned, mapapakinabangan ng dartero
ang nakalaang P10,000 sa “Perfect 9 Darts Out” sa singles,
handog ng NDFP.
Ang mga NDFP sanctioned tournaments ay walang sanctioning
fees at bukas sa lahat ng dartero at di kailangang maging kasapi
sa NDFP.
Ito ang mga bagong pananaw na inilunsad ng NDFP upang matulungan
at mabigyan ng pagkilala ang pagsisikap ng mga local dart organizations.
Lalo na ang maliliit at still developing local darts organization.
Kaya, maliit o malaking tournaments, ito ang pundasyon ng matatag
na inprastuktura ng darts.
Ang inprastukturang inaaasahan ng mga dartero upang mailabas ang
galing ng magdamagang ensayo.
|