Maagang pamasko sa dartero ang ipinahayag ni Manny Pacquiao bago
siya umalis patungong Amerika. Ang Manny Pacquiao International
Darts Classic na may isang milyong paparemyo at nakatakda sa Disyembre
12-15, 2008 sa General Santos City ay dinagdagan ng isang milyong
piso pa. Kaya abangan at sumali sa pinakamalaki at makasaysayang
dart tournament ng bansa ang “Manny Pacquiao 2 Million International
Darts Classic”.
Ang Robson P100,000 Free-Registration Darterong Pinoy ay sisimulan
sa Setyembre 19-21, 2008 sa Sta Lucia East Grand Mall, Marcos
Highway, Cainta Rizal. Ang National Darts Federation of the Philippines
(NDFP) ay ang nangangasiwa nitong nag-iisang P100,000 free-registration
dart tournament.
Inaasahan ang isang malaking pagtitipon ng dartero at marahil
ang attendance record ay mahihigit nanaman ngayon pang bumubulusok
ang darts sa bansa. Maraming dartero mula sa Visayas at Mindanao
ang bibiyahe at maglalaro sa Darterong Pinoy at Philippine Qualifier
World Darts Championship na nakatakda sa Setyembre 25-28.
Ang mga events sa Darterong Pinoy ay naiiba sa karaniwang mga
dart tournaments tulad ng Senior’s Singles, Youth Singles
at Mixed Doubles. Ang Senior’s Singles ay para lamang sa
mga Darterong may limangpung taong gulang at mahigit at ang Youth
Singles ay sa kabataang labing-siyam na taong gulang at pababa.
Ang nakalinya sa tatlong araw na torneo ay ang P15,000 Classified
Draw Doubles Biyernes, Setyembre 19, 4:00 PM. Ang mga events sa
Sabado, Setyembre 20, ay ang 4-Man Team Championship 10AM, Senior’s
Singles 4:00 PM at ang Fixed Doubles 4:30 PM. Ang schedule sa
Linggo, Setyembre 21 ay ang Youth Singles at Mixed Doubles 10:00
AM, Ladies’ Singles 1:00 PM at ang Open Singles 2:00 PM.
Ang media partners ng Darterong Pinoy ay ang Tumbok, Solar Sports
at RJ 100 FM radio station. Ang mga sponsors ay Chris Sports,
Sportshouse, Pagcor, PCSO, Questor at Samsung.
Paalala sa mga lalahok na may sinusunod na Dress Code sa torneo
– walang shorts, slippers, sando, sandals, tank tops at
dapat may kuwelyo ang shirts or t-shirts.
Samantala noong Sabado, Setyembre 13, 2008, ginanap ang limang
Regional elimination para sa Regional Wild Card Seeded players
ng Philippine Qualifier sa World Darts Championship. Si Rex Balangcod
ang nagwagi sa Baguio Benguet Dart Organization eliminations at
si Jingy Alang, ng Pili Darters ang sa Bicol Darts Federation.
Toto Rambano ng Cavite Dart Organization ang nanalo sa Batangas
City ng South Luzon Dart Federation. Pattie de la Pasion ng Makati
City Dart Association ang mag-rerepresent ng NCR at ang Middle
East regional qualifier ay si Eric Flores ng Dhubai.