Araw-araw ang hanay ng mga bagong dartero ay lumalaganap. Marami
ang humihiling at nakikiusap ng
kaalamanan ng larong darts mula sa kagamitan, tamang pukol at iba’t-ibang
laro ng darts. Dahil sa kakulangan ng mga aklat at babasahin tungkol
sa darts, tatalakayin ng Dartero Korner ang pinaka-basic na kaalamanan
ng kagamitan ayon sa badget at layunn ng isang manlalaro.
Ang pagpili ng kagamitan sa darts ay maaring nakakalito sapagkat
marami ang pagpipiliaan. Ibat-iba ang mga hugis, bigat, uri at
disenyo ng dart sets, ganon din ang hugis at uri ng flights at
ang haba at uri ng shafts.
Ang kailangan ay isang set ng darts na may malinaw na point,
dart barrel, shaft at flight. Ang bigat ng isang dart barrel ay
hangang limangpung gramo at ang haba ng darts mula point hangang
dulo ng flight ay isang talampakan. Ito ang mga pinakamabibigat
at pinakamahabang darts na maaring gamitin.
Ang uri ng mga dart barrels ay ang brass darts, nickel silver
at tungsten darts. Ang brass darts o tansong darts ay ang pinakamura
sa pamilihan ngunit doble ang kalakihan sa parehong bigat ng tungsten
darts dala ng mas magaan ang tanso kumpara sa tungsten. Ang tungsten
ay isa sa pinakamabigat na elemento ngunit madaling mabasag kaya
hinahaluan ng nickel silver. Walang darts na 100% tungsten, karamihan
ay 80%, 90% at 95% tungsten.
Ang tungsten ang ginagamit ng mga bihasa na sa darts at nakakapag-grouping
at naisisiksik ang tatlong darts sa maliit na triples o sa double
bullesye. Yan ang pakinabang ng tungsten, payat ngunit mabigat.
Sa mga baguhan at maliit ang badget, ang pangumpisang gamit ay
ang brass darts.
Ang kadalasang bigat na ginagamit ay 22gms hangang 24gms. Ang
mga hugis ng dart sets ay ang tinatawag na “pencil type”
mapayat at mahaba at ang “bomber type” na mataba at
maiksi. Kung ano ang pipiliin ay sang-ayon sa maginhawang hawak
at naibabatong maayos.
Ang pakpak ng darts ay ang flights. Ang flights ang nagpapalipad
ng darts. Ang hugis ng flights ay ibat-iba mula sa hugis puso
hanggang hugis ng mukha, ngunit ang pinakamahalaga ay ang laki
ng surface area ng flights. Ito ang nagdidikta ng bilis ng darts
tungo sa dartboard. Kapag maliit ang surface area ng flights maliit
din ang air resistance kaya mabilis ang darts, kapag malaki ang
surface area mas may air reistance kaya mabagal ang darts. Dito
nagmula ang tinatawag na fast flights at slow flights ang pinaka-basic
na pagbubukod ng flights.
Ibat-iba ang halaga ng flights sa pamilihan at ang kaibahan ng
materyales na ginagamit ang nag didikta ng presyo. Ang pinakamura
ay ang polyester, magaan at malambot samantala ang pinakamahal,
at mabigat ang nylon flights.
Ang shafts ay ibat-iba din ang haba at ang presyo ay ayon din
sa materyales. Kaya ang tanong ay anong haba ng shaft at anong
uri ng flights– fast o slow, magaan o mabigat ang pipiliin.
“Dart Tuning” ng darts ang makakasagot ng tamang
combinasyon ng flights at shafts. Sa pag-dadart tuning gumagamit
ng slow fights at short shafts para tignan ang dating ng pagbato
ng dart, tapos ibahin ang combinasyon slow flights at long shafts,
tapos fast flights at short shafts hanggang makita ang tama at
gamay na combinasyon. Ang bawat manlalaro ay may kanya-kanyang
bitaw ng darts kaya ang combinasyon ay sang-ayon sa sariling katangian
ng bawat manlalaro.
