Lourence Ilagan ng Cainta Rizal ay ang Philippine Qualifier sa World
Darts Championship. Ang batuhan sa intablado ay sukdulang napakataas
at pumapantay sa pandaigdigang laban. Karapatdapat lang na ang pangwakas
na yugto sa paghahanap ng pinakamagaling na Darterong Pinoy na kitawaan
sa pinakabantog at pinakamayamang kampeonato ng darts sa buong daigdig
ay magtapos sa isang kapanapanabik at pinakamagaling na kampeonatong
masasaksihan.
Ang katungali ni Ilagan ay si Boy Gionzon, ang hindi inaasahan
manlalaro mula Navatos, sa best of three sets best of seven legs
kampeonato ng Philippine Qualifier. Ang unang set ay pinalunan
ni Gionzon 4-0 at ang pangalawang set ay kay Ilagan 4-2. Sa panghuli
at deciding set umabante si Ilagan 3-0 sa pamamagitan ng napakagaling
na 15, 13 at 14 darts out. Hindi bumigay si Gionzon at humabol
para pantayan ang iskor sa 3-3. Ang patakaran sa deciding set
ay may dalawang legs na lamang ngunit sakaling umabot sa 4-4 ay
may sudden death playoff. Binuksan ni Ilagan ang pangpitong leg
ng pinakamatass na iskor 180 at tinapos ang laro. Binalikan ni
Gionzon ng 12 dart out at pumantay na naman sa 4-4. Sa pinakahuling
leg si Gionzon ang nanalo upang umpisahan ang laban at bumato
ng 60-100-60-97-100. Si Ilagan ay bumato ng 97-180-100-98 at tumapos
ng 14 darts out.
Ang katayuan ng walong nag final round robin ay Gionzon 7-0,
Warren Perolino (Cavite) 6-1, Ilagan, Boie Parfan (Makati) at
Arby Briones (Baguio) 4-3, King Gumanid (Davao City) 2-5, Arnel
Elvena (Koronadal) 1-6 at Mon Oliveros (Makati) 0-7. Sa playoff
sa pangatlong puwesto upang mag step ladder kalaban ang pangalawang
puwesto, tinalo ni Ilagan si Parfan at Briones upang lumaban kay
Perolino na tinalo niya 3-1 at 3-0. Si Parfan ay ang pangapat
na pwesto nang talunin niya si Briones.
Ang Chris Sports Philippine Qualifier sa World Darts Championship
ay ginanap noong Setyembre 25-28, 2008 sa Sta Lucia East Grand
Mall, Cainta, Rizal in cooperation with Solar Sports. Ito ay sponsored
ng Robson Sportscraft, Pagcor Sports, Samsung, Questor at Lime
Pro-Equipment. At ang mga media partners ay Tumbok at DZRJ.
Ang Philippine Qualifier ay nagumpisa noong huwebes sa Open Qualifying
Singles kung saan kinuha ang 16 na manlalaro, dito nangaling si
Gionzon at Perolino. Ang pangalawang araw ay ang round robin ng
apat na grupong tig-sampung manlalaro na galing sa Open Qualifying
16, NDFP 16 top ranked players at 8 mula sa regional qualifying.
Si Ilagan ay ang 11th ranked NDFP player. Sa pangatlong araw ang
top 4 sa apat na grupo ay hinati sa 2 grupong walo upang mag round
robin. Sa pangapat na araw ang walo mula sa top 4 ng dalawang
grupo ay nag round robin at dito nangaling ang kampeon. Ang proseso
ay pambansa ang lawak dahil sa regional qualifying, bukas sa lahat
dahil sa Open Qualifying at napakahirap na parang dumadaan sa
butas ng karayom.
Sa taas ng batuhan muntik nang magka-perferct 9 darts out at
manalo ng P10,000 si Ilagan ng bumato ng 180-180 at sa last three
darts ay T20-T19 ngunit sumablay ang pang-perfect darts sa D12.
Ituloy lang ni Ilagan ang kanyang ipinakitang galing at malayo
ang mararating niya sa World Darts Championship. Inaasahan ng
mga manlalaro na ibabandila ni Lourence ang Darterong Pinoy.
Ang mga nagwagi sa side events ng Philippine Qualifier ay sina
Erning Bantoy ng Marikina, Randy Santiago ng Pasig at Boyao Robles
ng Baguio sa Classified Draw Triples. Sina Hino Digma ng Baguio
at Jerry Salenga ng Makati sa Classified Draw Doubles at sina
Roy Laude ng Cebu at JP Quintano ng Manila sa Open Doubles.