Ano ba ang mga ibang sports o libangan ang ginagawa ng isang dartero?
Ang kinalabasan ng isang market research ng NDFP sa ka-Maynilaan
ay Basketbol 29%, Bilyar 19%, Chess 10%, Karera 6% at tennis, bowling,
pingpong ang iba pa.
Meron palang Darterong Karerista! Ano naman ang say ng mga Darterong
Karerista sa karera ng kabayo ngayon?
Sa isang pagpupulong ng mga dartero habang naghihintay ng tawag
sa tournament ito ang kulitan.ng mga Darterong Karerista.
“Pre, ang tagal mo nang hindi nagdadarts bakit biglang
bumalik ka”? Ang sagot ni balik-darter “mula nang
nahati ang karera sa dalawang cable companies ay isang karerahan
na lang ang napapanuod at tinatayaan ko. Kapagwalang karera sa
cable ko e napapanuod ko ang lintek na galing ng dartero sa Inglatera
kaya naengganyo muli ako sa darts. Ma-over budget na si Mrs kung
mag-subscribe pa sa kabilang cable dahil lang sa karera.”
“Magpunta ka kasi sa OTB at doon manuod at magkarera”
Ang sagot ni balik-darter “Bossing, nakakapikon na sa OTBs,
mula nang nasira ang air-con sa OTB ko ang init, masikip at wala
nang serbisyo dagdag pa doon ay puros paki sa teller, di sinusunod
ang linya ng tayaan. Limitado na ang high-end OTBs. Tinataya ko
ang mga kursunada ko at pinapanood ko na lang sa air-con kong
kuwarto.”
“Kaya nga may telebet para komportable ka sa tayaan”
Sagot ni dart hustler “ay takot ako sa hi-tech, di ko kilala
ang tinatayaan ko, ginagawa ko text-bet. Mag-iiwan ako ng pera
sa teller at text ko na lang ang taya”.
“Ikaw American Boy medyo tahimik ka” Ang wika naman
ni Amboy “namimiss ko ang ginagamit ko sa Tate, ang Racing
Form, kung saan kumpleto ang pag-analyze ng karera – andoon
ang mga track variant, Bayer rating, winning percentage at marami
pa. Ang programa ng karera dito ay parang darts may best of three.
Ilang ulit na, ang proeba ng mga programa iba-iba, kasama na ang
quarter times. Kaya kailangan ng tatlong programa at kung sino
ang may dalawang parehong tiempo ay malamang tama”.
Sagot naman ng isa “ masyadong speed rating kasi ang tinitignan
mo meron pang ibang bagay, gaya ng pagbaba ng grupo, pace of the
race, post position at mga preference ng kabayo sa distancia,
racing track at iba pa. Pero tama ka may kakulangan ang mga proeba,
sana malagay doon na ng barrier trial ang kabayo kasi galing sa
mga epitaxis o pilay para alam natin”
“Ay sus, mahirap mag-over analyze, sa dami ng mga preferences
ng kabayong tutugma sa isang panalo, ang pinaka mabigat pagpumasok
ang biyahe preference, patay lahat kung anu-ano mang preferences
yan”.
Tinawag na ang mga Darterong Karerista upang mag laro at sana’y
maituloy ang kulitan nila.
Balik sa darts, ang P100,000 T’nalak Darts Open, Hulyo
11-13, ay ang una sa mga nakasalang na P100,000 dart tournaments
sa Mindanao. Ito ay gaganapin sa Food Harbor, Koronadal City sa
pangangasiwa ng South Cotabato Darters (SOCO Darts).
Ang T’nalak ay isang telang hand woven ng T’boli
tribe ng South Cotabato. Ang T’nalak Festival ay ang pagdiriwang
ng mga pinamanang kultura at kaugalian ng T’boli tribe.
Si gobernadora Daisy Avance-Fuentes ng South Cotabato ang nagtangkilik
ng naturang tournament bilang bahagi ng T’nalak Festival.
Ang Local Government Units (LGU) ang pinakamalaking nagtataguyod
ng darts sa buong kapuluan at ang South Cotabato ay hindi naiiba.
