Dinagsa ng dalawang daan
at apat-napung (240) dartero ang P10,000 Free-Registration Ariel
Inton Cup noong nakaraang Sabado, June 7, 2008 sa Bagumbuhay Covered
Court sa Project 4, Quezon City. Si Konsehal Ariel Inton ang bumato
ng ceremonial throw upang umpisahan ang paligsahan.
Matagumpay ang dart tournament sa pangangasiwa ng MP4 (Marilag
Project 4) Dart Club sa pamunuan nila Errol Selga, Edwin Angeles
at Tito Estares, ang Sports Coordinator ni Ariel Inton. Sa dami
ng mga manlalarong lumabas mula sa Project 4, ang MP4 Club ay ginawa
nang GP4 (Greater Project 4) Dart Club para maisama ang kabuuang
manlalaro ng Project 4.
Ang format ay napilitang baguhin upang makatapos sa maayos na oras,
kaya 701 single game sa winners at losers bracket. Bihira ang mga
dart tournaments na umaabot sa dalawang daang katao. Ito ay nagpapahiwatig
ng tuluyang sigla ng darts.
Dalawang kabataan ang nagtambal at nagkampeon sa Ariel Inton Cup
- sina McLouie Arangues, labing-limang (15) gulang ng Navotas City
at si Chiy Lim, labing-siyam (19) na taon ng SMDP club ng Cubao.
Ang katangian ng kabataan ay hindi nangingilala ng kalaban at bato
na lang ng bato ng darts at tuloy ang na-prepressure at nanggigigil
ay ang mga beteranong manlalaro.
Maayos at maginhawa ang kinalagyan ng manlalaro sa sapat na mga
upuaan, mesa at maiwalas ng laruan. Ang kaginhawahan ng manlalaro
ay ang kauna-unahang paglilingkod na kailangang ipatupad ng sino
mang nagpapalaro. Ito ang pinamumulat sa mga NDFP supported tournaments.
Ang mga bisitang Darterong Pinoy mula sa ibang bansa ay naglaro
gaya nila - Ronel Botor ang NDFP Middle East Coordinator, si Jovan
Angeles, NDFP coordinator ng Inglatera, Mark Chua ng Toronto Darts-
Canada, Jun Catanyag ng San Francisco-Bay Area at Nick Rivera ng
Phoenix Arizona.
Si Nick Rivera ay ang Pinoy na ng represent ng America noong Winmau
Masters noong huling dekada at isa sa mga tinataguriang Filipino
na naglaro sa USA Circuit noong araw. Bagamat semi-retired na siya
malakas pa rin ang kanyang pukol.
Ang mga Darterong Pinoy sa buong mundo ay nakakapag-ugnayan sa
pamamagitan ng ating website. Ang www.ndfpdarts.com ay isang mahalagang
kasangkapan sa pagkakaisa, pagkikilala at pagtataguyod ng Darterong
Pinoy. Ang mga pambihirang tagumpay ng Pinoy sa darts sa ibang bansa
ay naihahayag at natatamo rin ang kaukulang balita sa pangyayari
sa Pilipinas. Dahan-dahan nating itinatayo ang pangdaigdigang ugnayan
at support network ng mga dartetong Pinoy.
Classified Draw Doubles
240 Participants or 120 Pairs |
Champion |
MC Louie Aranguez (Navotas)
and
Chi-Y Lim (SMDP) |
2nd Place |
Vincent Bona (Santolan, Pasig) and
Nico Argamasco (ACDC) |
3rd Place |
Owen Lacap (Tondo, Manila)
Senen Benosa (V.Luna, QC) |
4th Place |
Ding Sumulong (Terton)
Zenky Garcia (Valenzuela) |
Joint 5th /
6th |
Bong De Liva (MCDO) and
Metring Cupad (Pansol, QC)
Nayr Ocampo (Navotas) and
Jan-jan Hinojales (Robson-Davao) |
Joint 7th /
8th |
Roy Pajarito (-) and
Ray Vilda (Tondo, Manila)
Boy Plares (Pansol, QC) and
Chris Malabanan (Poblacion, Makati) |
|